လိင်အင်္ဂါမှာဖြစ်နိုင်တဲ့ ကင်ဆာအမျိုးအစားများ

လိင်အင်္ဂါမှာဖြစ်နိုင်တဲ့ ကင်ဆာအမျိုးအစားများ

လူ့ခန္ဓာကိုယ်ရဲ့ နေရာအစိတ်အပိုင်း၊ ကိုယ်တွင်းကလီစာအားလုံးမှာ ကင်ဆာဆဲလ်များ ပြန့်နိုင်သလို အမျိုးသားတွေရဲ့ လိင်အင်္ဂါအတွင်းမှာလည်း ကင်ဆာရောဂါ ဖြစ်နိုင်ပါတယ်။ ဖြစ်နိုင်တဲ့ ကင်ဆာတွေကတော့ လိင်တံကင်ဆာနဲ့ ဝှေးစေ့ကင်ဆာဖြစ်ပြီး နှစ်ခုလုံးကတော့ ရှားပါးတဲ့ ကင်ဆာ Case တွေပဲဖြစ်ပါတယ်။ ဒါပေမယ့်လည်း လုံးဝမဖြစ်နိုင်တာတော့ မဟုတ်တဲ့အတွက် သတိမပေါ့စေချင်ပါဘူး။

လိင်တံကင်ဆာ

• လိင်တံထိပ် အရေပြားမှာ အစပျိုးပြီး လိင်တံအစိတ်အပိုင်းအားလုံးမှာ တွေ့နိုင်တဲ့ လိင်တံကင်ဆာ (Squamous cell သို့မဟုတ် Epidermoid Carcinoma) - လိင်တံကင်ဆာတွေ့ရှိသူတွေရဲ့ ၉၅% ဟာ ဒီအမျိုးအစားပဲဖြစ်ပါတယ်။
• လိင်တံအတွင်း သွေးကြောများ၊ ကြွက်သားနဲ့ အဆီတွေမှာ ကင်ဆာဆဲလ်များဖြစ်တဲ့ အမျိုးအစား (Sarcoma)
• လိင်တံအရေပြားရောင်ခြယ်ဆဲလ်ထဲမှာ ကင်ဆာဆဲလ်များ ဖြစ်ပေါ်တဲ့ အမျိုးအစား (Melanoma)
• လိင်တံအရေပြားရဲ့ အောက်ဆုံးအလွှာမှာ အစပျိုးပြီး ဖြည်းဖြည်းချင်းအမြစ်တွယ်ကာ တခြားခန္ဓာကိုယ်အစိတ်အပိုင်းထိပါ ပြန့်နိုင်တဲ့ အမျိုးအစား (Basal Cell Carcinoma) ပဲ ဖြစ်ပါတယ်။

• လိင်အင်္ဂါကြွက်နို့ ဗိုင်းရပ်စ် (HPV) ရှိခြင်း
• ဆေးလိပ်သောက်သုံးခြင်း
• အသက် ၆၀ နှင့်အထက် ရှိခြင်း
• HIV ပိုးကူးစက်ခံရခြင်း သို့မဟုတ် AIDS ရောဂါရှိခြင်းကြောင့် ကိုယ်ခံအားစနစ် ယိုယွင်းနေခြင်း
• လိင်တံထိပ်အရေပြား မဖြတ်ထားခြင်း
• တစ်ကိုယ်ရေသန့်ရှင်းမှု မရှိခြင်း
• ဆိုရီရေးစစ်အရေပြားရောဂါကို ဓာတ်ရောင်ခြည်ကုထုံးဖြင့် ကုသမှုခံယူခဲ့ခြင်း စတဲ့အချက်တွေ ရှိသူတွေမှာ ပိုအဖြစ်များပါတယ်။